Ina istorgia da success
Sco contribuziun a l’Onn europeic dals umans cun impediments ha la Procap Grischun edì il 2003 il cudesch «Angelo e la muetta» en tut las quatter linguas naziunalas. L’istorgia captivanta da Vincenzo Todisco, illustrada da l’enconuschent pictur artist Rudolf Mirer, conquista dapi lura ils cors dals uffants e creschids en tut la Svizra. Il 2004 è l’ovra vegnida tschernida sco Cudesch grischun da l’onn. Il 2005 ed il 2006 ha il cudesch, inscenà sco musical tenor ina cumposiziun da Robert Grossmann, festivà ina premiera reussida ed è ultra da quai vegnì edì sco gieu auditiv sin DC.
