«Angelo e la muetta» è en project da la Procap Grischun, ina secziun da la Procap, l'anteriura Associaziun svizra d'invalids. L’uniun tetgala naziunala è vegnida fundada gia il 1930 e la secziun grischuna l’onn 1931. Oz è la Procap la pli gronda organisaziun d’agid a sasez per persunas cun handicap en Svizra ed è represchentada en tut il pajais en var 50 secziuns regiunalas ed en tut las regiuns linguisticas. L'uniun sa gida dapertut, nua che l'agid social public vegn a ses cunfins. La Procap s’engascha che nagin na vegnia discriminà sin fundament d’in impediment u d’ina malsogna. Sia finamira è da cuntanscher ina renconuschientscha ed in integraziun cumplaina dad umans cun impediments. Possia «Angelo e la muetta» contribuir sia part a quel process.
